Ódýrara ef við gætum treyst Alþingi

Miklu myndi það muna ef við gætum treyst Alþingi til að ganga í endurskoðun á stjórnarskránni. Bara að við gætum treyst þeim til að skilja betur á milli löggjafarvaldsins og framkvæmdavaldsins, en það er eitt brýnasta verkefni þjóðarinnar ef litið er til þess hvernig við viljum sjá lýðræðsiríkið þróast. Það er enginn vafi að það þarf að þróast frá konungsskipan til lýðveldis. Aðgreining æðsta valdsins er nauðsyn. trúlega er það borin von að við fáum Alþingismenn til að ganga af heilindum fram í því verki, enda myndi það kollvarpa valdakerfinu sem nú er ríkjandi. Og það sem meira er, er trúlega alveg sama niður í hvaða flokki við dræpum fæti með tillögur um breytt hlutverk löggjafarþingsins. Sá sleppir illa því valdi sem hann hefur. 

Stjórnlagaþing kostar 1,7 til 2,1 milljarða

Athugasemdir

[Kristín Magdalena Ágústsdóttir, 17.3.2009 kl. 08:56]

Vel orðað, traust er ofmetið orð eða vanmetið. Sér í lagi í pólitík.  Enda finnst mér þessum pólitíkusum sé svo sem sama hvort þeir njóti traust eða ekki, þeir þjösnast bara áfram, sama hvort við séum ánægð með það eða ekki.