Sannarlega eitt mikilvægasta verkefni þjóðarinnar

Gott að vita af Björgu í þessum hugleiðingum. En það er þörf á því að kjósa til stjórnlagaþingsins fólk utan stjórnmálaflokkanna en ekki þá sem hafa setið í hinni óljósu aðgreiningu framkvæmda- og löggjafarvalds. Mikil nauðsyn af upptöku þjóðaratkvæðagreiðslu í sem flestum málum. Íslendingar eru fúsir að gefa álit sitt í skoðanakönnunum og kosningaþátttaka er góð. Við erum virk og viljum láta að okkur kveða oftar en á fjögurra ára fresti.

Björg kaus að vinna að nýrri stjórnarskrá

Athugasemdir

[Hallur Magnússon, 3.2.2009 kl. 08:45]

Framsóknarmenn leggja til í frumvarpi sínu að á stjórnlagaþinginu geti alþingismenn og ráðherrar ekki setið.

En þarf ekki góðan fulltrúar klerkastéttarinnar og Vestmannaeyja á stjórnlagaþing?

[Hallur Magnússon, 3.2.2009 kl. 08:46]

Sjá einnig: Stjórnlagaþing hornsteinn uppbyggingar Nýja Íslands

og Þjóðkjörið stjórnlagaþing móti stjórnskipan framtíðarinnar

[Kristján Björnsson, 3.2.2009 kl. 10:14]

Ætli maður yrði ekki að láta sig hafa það, en Guð hjálpi þjóðinni ef enginn finnst annar betri. Því miður er enginn sérmenntaður kirkjuréttarfræðingur á lífi lengur og enginn sem hefur aflað sér slíkrar menntunar síðan sr. Bjarni Sigurðsson á Mosfelli féll frá en hann var bæði guðfræðingur og lögfræðingur en doktor í kirkjurétti. Bót í máli að hann var kennari minn :)

Við eigum reyndar góða leikmenn sem er næstum nauðsynlegt að fari þarna inn vegna þekkingar sinnar og stöðu innan kirkjunnar, en nægir að nefna menn eins og Pétur Kr. Hafstein, sem er forseti Kirkjuþings þessi árin.